Мексиканинг Мичоакан штатидаги Котижа муниципалитети раҳбари Ёланда Санчес Фигуероа йўлда отиб ўлдирилди, деб хабар бермоқда ВВC.
Қотиллик Мексиканинг биринчи аёл президенти Клаудия Шейнбаум сайловда ғалаба қозонганидан бир кун ўтиб содир бўлди. Нашрнинг аниқлик киритишича, Мексика "гендер асосидаги зўравонлик кенг тарқалган" мамлакатдир. Мичоакан ҳукумати мэрнинг ўлдирилишини қоралади
Санчес 2021 йилда муниципалитет раҳбари лавозимига сайланган. Расмийлар қотиллик тафсилотларини ошкор қилмади, аммо қотилни қўлга олиш учун операция бошланган.
30 май куни Мексиканинг Герреро штатидаги Коюка де Бенитес шаҳри мэрлигига ўнг марказчи “Куч ва Мексика учун юрак” алянсидан номзод Хосе Алфредо Кабрера Барриентос сайловчилар билан сўнгги сайловолди ташвиқоти учрашувида отиб ўлдирилди. Номаълум шахс баскетбол майдонида сиёсатчига орқадан яқинлашиб, бошига ўқ узган.
Бу штатда сайловолди ташвиқоти чоғида беш нафар мэрликка ва бир нафар депутатликка номзод ўлдирилган.
