Ижтимоий тармоқларда Андижонда ёш қиз юриб кетаётган "Gentra" ойнасидан танасини чиқариб, бузуқ ҳаракатлар қилгани акс этган видео тарқалди.
Вилоят Йўл ҳаракати хавфсизлиги хизматининг маълум қилишича, ҳолат жорий йилнинг 4 июнь куни соат 23:50ларда, Андижон шаҳар Миллий тикланиш кўчасида содир бўлган. 2004 йилда туғилган ҳайдовчи К.А. ўзининг “Gentra” русумли транспорт воситасини ҳужжатларсиз бошқарган ва ЙПХ ходимининг қонуний талабига бўйсунмаган. Унда йўловчи сифатида олд ўриндиқда кетаётган 2007 йилда туғилган Т.М. транспорт воситасининг салон қисмидан танасини чиқариб, аёл кишига хос бўлмаган ноўрин хатти-ҳаракатлари видеотасвирга олиниб, ижтимоий тармоқларга жойлаган.
Мазкур ҳолат юзасидан, ўтказилган тезкор суриштирув ишлари давомида қоидабузар ҳамда ҳуқуқбузарлар аниқланиб, уларга қонун доирасида тегишли тартибда чора кўрилган ва профилактик тушунтириш ишлари олиб борилган.
