Тошкентдан Тбилисига учиб кетаётган фуқаро катта миқдорда хорижий валюта олиб чиқиб кетаётгани аниқланди. Бу ҳақда “Тошкент-АЭРО” ихтисослаштирилган божхона комплекси ахборот хизмати хабар қилмоқда.
Маълум қилинишича, бугун, 12 июль куни соат 06:30 ларда “Ислом Каримов номидаги Тошкент халқаро аэропорти” чегара-божхона пости ходимлари томонидан “Тошкент-Тбилиси” йўналиши бўйича учиб кетаётган, Қирғизистон Республикаси фуқаросига тегишли йўл сумкалари божхона кўригидан ўтказилганда божхона назоратига тақдим этилмаган жами 2 100 АҚШ доллари (бугунги кундаги қиймати 26 млн 575 минг) борлиги аниқланди.
Ҳолат юзасидан суриштирув ҳаракатлари олиб борилмоқда.
