Кеча, 6 август куни Тошкент вилоятининг Бўстонлиқ тумани профилактика инспектори хотини, 7 ойлик чақалоғи ва ўзини отиб ўлдирди. Бу ҳақда "darakchi.uz"га Бош прокуратура ахборот хизмати раҳбари Ҳаёт Шамсутдинов хабар қилди.
Қайд этилишича, Бўстонлиқ тумани ИИБ ЖХХ XPБнинг 28 ёшли профилактика инспектори турмуш ўртоғи билан ўзаро жанжал давомида ўзига бириктирилган “ПМ табел” қуроли билан турмуш ўртоғи ва 2024 йилда туғилган ўғлига ўқ узиб, қасддан ўлдирган.
Шундан сўнг у “ПМ табел” қуроли билан ўзининг ҳам бошига бир маротаба ўқ узиб, жонига қасд қилган.
Мазкур ҳолат юзасидан Бўстонлиқ тумани прокуратураси томонидан Жиноят кодексининг 97-моддаси (қасддан одам ўлдириш) билан жиноят иши қўзғатилиб, дастлабки тергов ҳаракатлари олиб борилмоқда.
