Жиноят ишлари бўйича Риштон тумани судида қўшмачилик билан боғлиқ иккита ҳолат кўриб чиқилди.
Эътиборли жиҳати битта ҳолатда эркак киши ушбу жиноятни содир этган бўлса, яна бир ҳолатда ҳали турмушга чиқмаган қиз фоҳишалик қилган. Зайноб (исми ўзргартирилган) шахс паст ниятларда мижозларнинг маълум бир ҳақи эвазига ўз уйини иславотхонага айлантиришдан таб тортмади. У ўзи яшаб келаётган хонадонда Шароф (исми ўзгартирилган) исмли шахсдан келишилган пулларни олиб, эвазига жазмани билан жинсий муносабатга киришиши учун шароит яратиб бериб, қўшмачилик қилган.
ЖИБ Риштон тумани суди судьяси Нозимжон Аюбжоновга кўра, судланувчи Зайноб Ўзбекистон Республикаси ЖКнинг 131-моддаси 1-қисми билан айбли деб топилиб, унга нисбатан 2 йил муддатга аҳлоқ тузатиш ишлари жазоси тайинланган.
Яна бир шундай жирканч ишнинг иштирокчиларидан бири шартли исми Заҳро бўлган фуқародир. Ҳали турмушга чиқмаган, ҳулқида салбий ўзгаришлар кузтатилган Заҳро суддаги кўрсатмасида қуйидагиларни маълум қилди: у ота-онаси билан жанжаллашиб қолиб уйидан чиқиб кетган. Ижтимоий тармоқда ижарага уй борлиги тўғрисидаги эълон бўйича Мубина (исми ўзргартирилган) исмли аёлга қўнғироқ қилиб, кўришган. Ижарачи 2-уйи бўшлигини, шу ерда тураверишлигини, таниш йигитлар бўлса олиб келиб жинсий муносабатга киришиши мумкинлигини, ҳар бир мижоз билан бўлган ҳолатга алоҳидадан ҳақ олишини айтган. Ана шундай ҳақлардан бирини олган вақтида Мубина исмли аёл ИИБ ходимлари томонидан ушланган. Ҳолат юзасидан жиноят иши очилиб, тергов ҳаракатлари олиб борилгач иш судда кўриб чиқилди. Ижарачи қўшмачилик қилганликда айбланиб, унга ЖКнинг тегишли моддалари билан 4 йил муддатга озодликни чеклаш жазоси тайинланди.
Фарғонадан Ислом Нишонов
