Ўзбекистон ташқи ишлар вазири Бахтиёр Саидов Ал-Кувайт шаҳрида "Jazeera Airways" бошқарув кенгаши аъзоси ва "Boodai Corporation" бош директори Мишаал ал-Усаими билан икки мамлакат ўртасидаги авиарейслар сонини кўпайтириш масалаларини муҳокама қилди.
"Ўзбекистон ва Кувайт ўртасида ҳаво қатновларини ошириш устувор вазифаларимиздан бири саналади, – деб ёзди Ўзбекистон ТИВ раҳбари ўзининг telegram каналида. – "Jazeera Airways" бошқарув аъзоси ва "Boodai Corporation" бош директори жаноб Мишаал ал-Усаими билан биргаликда мамлакатларимиз ўртасидаги авиарейслар сонини кўпайтиришнинг бир қанча йўлларини муҳокама қилдик".
