Тошлоқ туманидаги “Тараққиёт” саноат зонасида метални қайта ишлаш заводи лойиҳасини амалга оширишга киришилди, дея хабар берди Фарғона вилояти ҳокимлиги ахборот хизмати.
Хитойнинг "Shandong Aipurui Steel Plate Co., Ltd" компанияси билан ташкил этилаётган лойиҳа уч босқичдан иборат бўлиб, унинг қиймати 120 миллион доллардан ортиқни ташкил этади, 500 та янги иш ўрни яратилади.
Заводнинг дастлабки босқичи 2025 йилнинг биринчи чорагида ишга тушиши кўзда тутилган.
Эътборли жиҳати, “Fargona metallurgiya zavodi” Ўзбекистон–Хитой қўшма корхонаси рўйхатдан ўтказилиб, ўз фаолиятини бошлади. Бу бўйича хитойлик инвестор билан битим имзоланди.
Қўшма корхона таъсислигидаги металлургия заводининг қурилиши бошланиб, тамал тоши қўйилди.
