Тошкент халқаро аэропорти пневматик қурол олиб ўтмоқчи бўлган хорижлик аниқланди. Бу ҳақда "Тошкент-АЭРО" ихтисослаштирилган божхона комплекси матбуот хизмати хабар қилди.
Қайд этилишича, 2024 йилнинг 21 август куни соат 21:05 ларда Ислом Каримов номидаги Тошкент халқаро аэропорти чегара-божхона пости ходимлари томонидан Санкт-Петербург — Тошкент йўналиши бўйича учиб келган хориж фуқаросига тегишли бўлган 1 дона қора рангли йўл сумкаси божхона кўригидан ўтказилди.
Натижада юклар ичидан божхона назорати учун белгиланган тартибда тақдим этилмаган ва ички ишлар органларининг тегишли рухсатномасига эга бўлмаган 1 дона пневматик қурол ва 1 дона пневматик қуролдан отиш учун мўлжалланган 290 дона шариклар (золдор) борлиги аниқланган.
Ҳозирда ушбу ҳолат юзасидан суриштирув ҳаракатлари бошланган.
