Энди фақатгина Украинанинг урушдан бевосита зарар кўрган ҳудудларидан келганлар имтиёзли уй-жой ва ижтимоий нафақа олишлари мумкин бўлади. Бу ҳақда zamon.uz хабар берди.
Бу ҳудудларга Днепропетровск, Донеск, Запороже, Николаев, Одесса, Суми, Харков, Херсон, Чернигов, Луганск, Житомир, Киев вилоятлари ва Киев, шунингдек, Россия Федерацияси томонидан аннекция қилинган Севастопол ва Қрим ярим ороли киритилмоқда.
Янги қоидалар Венгрия ҳукумати рўйхатига киритилмаган ҳудудлардан келган қочқинларни автоматик равишда мамлакатдан чиқариб юборишни англатмайди. Аммо 21 августдан бошлаб Украинадан келганларга ижарага уй берган фуқароларга давлат субсидиялари берилмайди.
Қарор оқибатда Венгриядаги минглаб украиналиклар бошпанасиз қолиши ва ўз ватанларига қайтишга мажбур бўлиши мумкин.
