2024 йил 2-4 октябрь кунлари Тошкент шаҳрида Креатив иқтисодиёт бўйича IV Бутунжаҳон анжумани ўтказилади. Бу бўйича Президент қарори эълон қилинди.
Анжуман доирасида Замонавий санъат маркази ҳузуридаги Арт-резиденцияларни тантанали фойдаланишга топшириш маросими ўтказилиши, Француз маданият маркази, Миллий реставрация маркази лойиҳалари, шунингдек, Абулқосим мадрасаси ва “Оҳунгузар” маданий мерос объектида креатив иқтисодиёт кластерларини яратиш лойиҳалари тақдимот қилиниши режалаштирилган.
Бутунжаҳон анжуманга таклиф этилган иштирокчилар, халқаро экспертлар, соҳа вакиллари ва кенг жамоатчиликни жалб этган ҳолда “Креатив иқтисодиёт тўғрисида”ги қонун лойиҳасини такомиллаштириш, Ўзбекистонда 2030 йилгача креатив иқтисодиётни ривожлантириш концепцияси ҳамда уни 2025–2026 йилларда амалга ошириш бўйича давлат дастури лойиҳаси Бутунжаҳон анжумани якуни бўйича ишлаб чиқилишини кўзда тутилган.
