Тошкентдаги омборхонада ёнғин чиқди (видео)

ФВВ Янгиҳаёт туманида содир бўлган ёнғин тўғрисида бирламчи маълумот берди.

Унга кўра, бугун, 24-август куни соат 09:41да Тошкент шаҳар, Янгиҳаёт тумани, “Янги Дархон” МФЙ Янги Дархон кўчасида жойлашган ишлаб чиқариш цехларининг бири омборхонасида ёнғин содир бўлган.

Ёнғин-қутқарув экипажлари воқеа жойига соат 09:48 да етиб бориб, ёнғин қуршаб олинган ва бартараф этиш ишлари амалга оширилмоқда.

Ёнғин натижасида тан жароҳати олган ва вафот этган фуқаролар тўғрисида хабар келиб тушмади. Вазият тўлиқ назоратга олинган.

Ҳодиса жойига Фавқулодда вазиятлар вазирининг биринчи ўринбосари-Штаб бошлиғи полковник С.Зупаров ва Тошкент шаҳар ФВБ раҳбарияти ҳамда ходимлари, ҳамкорликдаги хизматлар етиб борган.

Эслатиб ўтамиз, аввалроқ Қашқадарё вилояти Нишон туманида газ қувурида катта ёнғин содир бўлганди.