Статистика агентлиги маълумотларига кўра, 2024 йилнинг январь-июль ойларида жами 4,2 млн нафар чет эл фуқаролари туристик мақсадларда Ўзбекистонга ташриф буюрган.
Бу кўрсаткич ўтган йилнинг мос даври билан солиштирилганда 562,5 минг нафарга ёки 15,3 % га ошган.
Жорий йилнинг январь-июль ойларида Ўзбекистонга туристик мақсадларда келган чет эл фуқаролари мамлакатлар бўйича қуйидагича:
Қирғиз Республикаси – 1,2 млн нафар;
Тожикистон – 1,2 млн нафар;
Қозоғистон – 845,8 минг нафар;
Россия – 442,1 минг нафар;
Туркманистон – 83,7 минг нафар;
Туркия – 62 минг нафар;
Хитой – 35,5 минг нафар;
Ҳиндистон – 33,3 минг нафар;
Жанубий Корея – 23,9 минг нафар;
Италия – 19,5 минг нафар;
бошқа давлатлар – 211,2 минг нафар.
