Андижондаги заводда ёнғин содир бўлди. Вилоят ФВБ ахборот хизмати ҳолат юзасидан маълумот берди.
Маълум қилинишича, кеча, 10 сентябрь куни соат 23:58 да Андижон шаҳар Янги айланма кўчасида жойлашган “Uz Koram Ko” МЧЖда ёнғин содир бўлаётгани ҳақида вилоят ФВБга хабар келиб тушган. Соат 00:06 да айтилган манзилга ёнғин қутқарув экипажлари етиб борган ва соат 00:55 да ёнғин батамом ўчирилган.
Ҳолат натижасида МЧЖнинг шамоллатиш вентиляция шахтасида 90 м кв майдонда бўёқ қолдиқлари ёниб зарарланган. Тан жароҳати ҳолатлари қайд этилмаган. Ҳозирда ёнғин содир бўлиш омиллари ва моддий зарар миқдори аниқланмоқда.
