Жорий йилнинг 20 сентябрь куни соат 21:43 да Тошкент вилояти Фавқулодда вазиятлар бошқармаси тезкор бошқарув марказига Юқори Чирчиқ тумани "Наврўз" маҳалласи ҳудудида жойлашган ишлаб чиқариш корхонасида ёнғин содир бўлаётганлиги ҳақида хабар келиб тушган.
Хабарга асосан, айтилган манзилга ёнғин ўчириш бўлинмалари соат 21:48 да етиб бориб, аланга 22:40 да қуршаб олинган ва соат 23:56 да тўлиқ бартараф этилган.
Содир бўлган ёнғинни бартараф этишга жами 8 та техника ва 50 нафарга яқин шахсий таркиб жалб этилган.
Ёнғин оқибатида корхонанинг 150 квадрат метр майдони ёнғиндан зарарланиб, амалга оширилган саъй-ҳаракатлар натижасида 600 квадрат метр майдони сақлаб қолинган.
Ҳодиса оқибатида тан жароҳати олган ва ҳалок бўлганлар йўқ.
