Бу ҳақда Тошкент шаҳар ИИББ ЙҲХБ ахборот хизмати хабар берди.
Маълум қилинишича, шу йилнинг 26 сентябрь куни соат 12:35 ларда Тошкент шаҳар Юнусобод туманида хизмат олиб бораётган Тошкент шаҳар ИИББ ЙҲХБ ЙПХБ 3-баталон ЙПХ инспекторлари сафдор Д.Убайдуллаев ва сафдор Ф.Худойбергановлар томонидан Амир Темур кўчасида “Malibu” русумли автомобиль тўхтатилиб, ҳайдовчи, 1998 йилда туғилган М.И.нинг маълумотлари планшет мосламаси ёрдамида, махсус дастур орқали текширилганда, ушбу фуқаро тергов органларидан яшириниб юрганлиги сабабли қидирувда эканлиги маълум бўлди.
Ушбу фуқарога нисбатан тегишли ҳужжатлар расмийлаштирилиб, фуқаро М.И. Юнусобод тумани ИИО ФМБга топширилди, дейилади хабарда.
