Қорақалпоғистон Республикаси Транспорт вазирлигида транспорт хизматини кўрсатиш ҳамда соҳа бўйича ишлар самарадорлигини ошириш ва ташкилий масалаларга бағишланган мажлис ўтказилди. Бу ҳақда Траспорт вазирлиги матбуот хизмати хабар қилди.
Мажлисни Қорақалпоғистон Республикаси Вазирлар Кенгаши Раисининг ўринбосари Ш.Даулетияров олиб борди.
Унда Каипбеков Парахат Конисбаевич Қорақалпоғистон Республикаси Транспорт вазири вазифасини бажарувчиси этиб тайинланди.
Таъкидлаш жоизки, Парахат Каипбеков шу кунга қадар «ҚҚавтотеххизмат» масъулияти чекланган жамияти бош директори лавозимида фаолият олиб борган. Шунингдек, меҳнат фаолияти давомида Қорақалпоғистон Республикаси Вазирлар Кенгаши Раисининг ўринбосари каби масъулиятли лавозимларни муваффақиятли бажарган.
