"Ўзгидромет" бош директори ўзининг фейсбук тармоғида октябрь ойи ўрталарида куз фасли учун илк нол даражага яқин ҳароратли тўлқин кузатилиши мумкинлиги ҳақида огоҳлантирувчи хабарни улашди.
Қайд этилишича, жорий йилнинг 13 октябрь куни Ўзбекистоннинг шимолий ҳудудларига, 14-17 октябрь кунлари республиканинг қолган ҳудудларига совуқ ва нам ҳаво массалари кириб келиши кутилмоқда.
13-17 октябрда ҳаво ҳарорати кечалари 3-8 даража илиққача, республика шимолида баъзи жойларда 0-2 даража совуққача, кундуз кунлари 13-18 даража илиққача аста-секин пасаяди.
13-15 октябрь кунлари республика бўйича баъзи жойларда ёмғир ёғади, тоғ олди ва тоғли ҳудудларда баъзи жойларда кучли ёмғир ёғиши мумкин, баланд тоғларда ёмғир қорга айланади.
