Ўзгидромет хабарига кўра, бугун кундузи куннинг иккинчи ярмида Бухоро, Навоий, Қашқадарё, Сурхондарё вилоятларида, кечга томон Тошкент, Самарқанд, Жиззах, Сирдарё вилоятларида ёмғир ёғади. Қолган ҳудудларда ёғингарчилик кутилмайди. Шамол 7-12 м/с тезликда эсади, баъзи жойларда 13-18 м/с гача кучайиши, айрим жойларда чанг-тўзонлар билан кузатилиши мумкин. Ҳарорат 18-23° бўлади.
Пойтахтда кечқурун ёмғир ёғиши мумкин. Шамол 3-8 м/с тезликда эсади. Ҳарорат 21-23° бўлади.
Тоғ олди ва тоғли ҳудудларида баъзи жойларда ёмғир ёғади, айрим жойларда кучли ёмғир ёғиши мумкин. Туман тушиши мумкин. Шамол 7-12 м/с тезликда эсади, баъзи жойларда 13-18 м/с гача кучайиши мумкин. Ҳарорат 11-16° бўлади.
