Жорий йилнинг 26 октябрь куни Жиззах вилоятининг Пахтакор туманида “Faw” ва “Hоwо А7” русумли юк автомобиллари иштирокида йўл-транспорт ҳодисаси содир бўлди. Бу ҳақда Йўл ҳаракати хавфсизлик хизмати хабар берди.
Маълум қилинишича, туманнинг “Буюк ипак йўли“ МФЙ ҳудудидан ўтувчи М-39 автомобиль йўлининг 957-километрида ҳайдовчи, 1986 йилда туғилган Э.Қ. бошқарувидаги “Фаw” русумли ҳамда ҳайдовчи, 1993 йилда туғилган А.Э. бошқарувидаги “Ҳоwо А7” русумли юк автомобиллари иштирокида йўл-транспорт ҳодисаси содир бўлди.
Ҳодиса натижасида тан жароҳати олган фуқаролар йўқ. Транспорт воситаларига техник шикаст етган.
Ҳозирда ҳолат юзасидан Жиззах вилояти ИИБ ЖХХ ЙҲХБ ходимлари томонидан суриштирув ҳаракатлари олиб борилмоқда.
