Душанбе полицияси GTA ва Counter Strike видео ўйинлари тақиқланиши ҳақида огоҳлантирди, дея хабар бермоқда zamon.uz.
Тожикистон Маданият вазирлиги экспертизаси шуни кўрсатдики, ушбу ўйинларда “зўравонлик, қотиллик ва талончилик элементлари” мавжуд бўлиб, “ахлоқсиз ва зўравонлик хусусиятига эга” видео роликлар ва ўйинларни тарқатиш қатъиян тақиқланган", дейилади полиция баёнотида.
Талаб ўйин клублари эгаларига тегишли бўлиб, шунингдек, ота-оналарга ҳам фарзандларига эътибор қаратиш тавсия этилди. Чунки ўсмирлар салбий таъсирга учрайди ва жиноят содир этиши мумкин. Шу билан бирга, Душанбе полицияси рейд ва текширув тадбирлари билан таҳдид қилди.
