Жиззахда 3 ёшли фарзандини сотмоқчи бўлган ота-она ушланди. Бу ҳақда "Миллар" дастурида хабар берилди.
Аниқланишича, фуқаро ўзининг шаръий никоҳидаги турмуш ўртоғи билан жиноий тил бириктириб вояга етмаган 2021 йилда туғилган фарзандини 3 миллион сўм эвазига сотаётган вақтида далилий ашёлар билан ушланган.
Жиноят ишлари бўйича Жиззах шаҳар судида судланувчи эр-хотинга нисбатан суд ҳукми ўқилди.
Унга кўра, судланувчи эркак ЖКнинг 135-моддаси 3-қисми "а" банди билан 8 йилга озодликдан маҳрум этилди.
Судланувчи аёлга эса ЖКнинг 135-моддаси 3-қисми "а" банди билан ЖКнинг 57-моддаси қўлланилиб 6 йил озодликдан маҳрум қилиш жазоси тайинланди.
