Бугун, 13-ноябр куни Тошкент шаҳрида таъмирлаш ишларини олиб бораётган экскаватор Юнусобод тумани, 2-даҳа, 40-уй ёнидан ўтган ўрта босимли ер ости газ қувурига шикаст етказиши натижасида газ сизиб чиқиш ҳолати кузатилган. Бу ҳақида энергетика вазирлиги хабар бермоқда.
Натижада ушбу даҳадаги 47 та кўп қаватли хонадон, 10 та улгуржи истеъмолчи, 3-даҳадаги 26 та кўп қаватли хонадон, 12 та улгуржи истеъмолчи ва Маликов кўчасидаги 40 та ерли хонадонда газ таъминоти вақтинча тўхтатилган.
"Айни вақтда “Ҳудудгаз Пойтахт” газ таъминоти филиали ходимлари томонидан таъмирлаш ишлари олиб борилмоқда.
Таъмирлаш ишлари якунлангач газ таъминоти қайта тикланади," дейилади хабарда.
