Куни кеча ижтимоий тармоқларда “Чиқиндидан қарзи борлар тармоқдан узила бошланди” мазмунидаги хабар тарқалди. Хабарларга "Ҳудудий электр тармоқлари" АЖ ойдинлик киритди.
"Маълумки, Ўзбекистон Республикаси Президентининг тегишли Фармонига асосан чиқинди хизматлари учун ойлик тоъловлардан қарздорлиги бўлган абонентлар электр учун тўловларини қабул қилишни вақтинчалик чеклаш амалиёти жорий этилиши белгиланган.
Айни пайтда Фармонга асосан истеъмолчининг чиқинди учун қарздорлик ҳақида огоҳлантирилгандан кейин ҳам тўлов қилмаган шахсларнинг электр энергияси учун тўловларини қабул қилишни вақтинчалик чеклаш амалиётини жорий қилиш бўйича техник ишлар олиб борилётганлиги ҳақида эслатиб ўтамиз.
Ижтимоий тармоқларда тарқатилган мазкур хабар ҳақиқатга тўғри келмаслигини маълум қиламиз.
Амалиёт тўлиқ ишга туширилиши билан ОАВ орқали расмий хабар берилишини маълум қилган қилган ҳолда, ижтимоий тармоқдаги турли хил каналлар админларидан тасдиқламаган маълумотларни тарқатмасликни сўраймиз", - дейилади хабарда.
