Бухоро вилояти ИИБ ходимлари томонидан тезкор тадбир ўтказилган. Тадбир давомида Бухоро шаҳрининг Варахша маҳалласида яшовчи 2005 йилда туғилган аёл қўлга олинган.
Аниқланишича, у Когон туманида яшовчи 1998 йилда туғилган фуқаро учун сир сақланиши лозим бўлган маълумотлар, яъни ўзи билан ишқий муносабатларга киришганлигини акс эттирувчи видеотасвирларни унинг яқин қариндошлари ва оила аъзоларига ошкор қилиш ва ҳуқуқ-тартибот органларига мурожаат қилиш билан қўрқитиб, ундан пул талаб қилган.
Мазкур шахс Бухоро шаҳрининг Тўқимачи бозори олдида 5 минг АҚШ долларини олаётган вақтида ашёвий далиллар билан қўлга олинган.
Ушбу ҳолат юзасидан ЖКнинг 165-моддаси билан жиноят иши қўзғатилган. Ҳозирда дастлабки тергов ҳаракатлари олиб борилмоқда.
