Ўзбекистоннинг БААдаги элчихонаси Ўзбекистон фуқаролари амирликлар ҳудудига киритилмаётгани юзасидан маълумот берди. Унга кўра жорий йил 30 ноябрь куни Абу-Даби шаҳридаги Шайх Зоид номидаги халқаро аэропортга Тошкент—Абу-Даби йўналиши бўйича Wизз Аир авиақатнови орқали учиб келган 31 нафар Ўзбекистон фуқароси номаълум сабабларга кўра амирликлар ҳудудига киритилмаган.
Ўзбекистоннинг БААдаги элчихонаси Ўзбекистон фуқаролари амирликлар ҳудудига киритилмаётгани юзасидан маълумот берди.
Жорий йил 30 ноябрь куни Абу Даби шаҳридаги Шайх Зоид номидаги халқаро аэропортга Тошкент — Абу-Даби йўналиши бўйича Wизз Аир авиақатнови орқали учиб келган 31 нафар Ўзбекистон фуқароси номаълум сабабларга кўра амирликлар ҳудудига киритилмаган.
Қайд этилишича, Ўзбекистоннинг Абу-Дабидаги элчихонаси ва Дубайдаги Бош консулхонаси мазкур аеропорт маъмурияти ҳамда амирликларнинг мутасадди идоралари вакиллари билан мулоқотда бўлиб, вазиятни назоратга олган.
"Аэропорт маъмурияти билан ҳамкорликда ҳамюртларимизни уч маҳал овқат билан таъминлаш ҳамда уларга зарур ҳолларда тиббий ёрдам кўрсатиш чоралари ташкил этилди. Юзага келган вазиятни ҳал этиш бўйича барча чора-тадбирлар кўрилмоқда", — дейилади хабарда.
Шайх Зоид аэропортидаги фуқаролардан бирининг айтишича, аёллар, болалар ва кексалар қўйиб юборилган, 20 дан 40 ёшгача бўлган эркаклар мамлакатдан чиқариб юборилиши мумкин. Уларнинг ҳеч бирига бу каби ҳаракатлар нима сабабдан амалга оширилаётгани юзасидан изоҳ берилмаган.
"Учиб келишимиз билан паспорт назоратида бизни шунчаки четга тортиб, ҳеч қандай тушунтиришларсиз паспортларимизни олиб қўйишни бошлашди. Биз қандайдир маълумот беришларини кутиб ўтирдик. Кейин бирма-бир чақириб, нима мақсадда, қанча кунга келганимизни сўрай бошлашди, телефон рақамларимизни олишди ва саволларимизга жавоб бермаган ҳолда яна ортга чиқариб юборишди. Шундай қилиб, 15 соат ўтирдик", — дейди нашр суҳбатдошларидан бири.
