Жорий йилнинг 8 декабрь куни Тошкент шаҳри Юнусобод тумани Бободеҳқон кўчасида 3 та машина иштирокида ЙТҲ содир бўлди. Ҳолат юзасидан Тошкент шаҳар ИИББ ЙҲХБ ахборот хизмати расмий маълумот берди.
Унга кўра, 2002 йилда туғилган Т.Р. бошқарувидаги “Траcкер-2” русумли транспорт воситаси, 1965 йилда туғилган М.А. бошқарувидаги "Матиз", 1966 йилда туғилган Х.Ш. бошқарувидаги “ЮТОНГ” русумли автобус ўзаро тўқнашуви натижасида йўл-транспорт ҳодисаси содир бўлган.
ЙТҲ натижасида "Траcкер-2" русумли автомашина ҳайдовчиси ва бир нафар йўловчисига биринчи тиббий ёрдам кўрсатиш мақсадида шифохонага олиб кетилган.
Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда, дейилади маълумотда.
