"Бизга хонадаги энг аҳмоқ одамлар томонидан очиқдан-очиқ босим ўтказилмоқда. Дональд Трамп — аҳмоқ. Унда битта ноёб қобилият бор: эътиборни ўзига қарата олиш. Бу эса, биласизми, отаси унга етарлича эътибор бермагани билан боғлиқ", — деди Эль-Сайед.
Унинг фикрича, Трамп бой оилада ўсгани ва имкониятларга эга бўлгани сабабли эътиборга чанқоқлигини эрта англаган. Шунингдек, у бошқаларни қўрқитиш орқали эътибор қозониш усулидан фойдаланишни ўрганган.
"Унинг бой оилада туғилгани, имкониятлари бўлгани ва эътиборни жуда хоҳлагани боис, ҳозир ҳам қўллаётган қўрқитиш усулларидан фойдаланишни ўрганган. Аммо бу одам аҳмоқ. Очиғини айтганда, у шунчаки нодон", — дея қўшимча қилди у.
Эль-Сайед вице-президент Жей Ди Венс ҳақида ҳам фикр билдириб, унинг ақлли эканини, бироқ қалби ва самимийлиги йўқлигини айтди.
"Жей Ди Венс — ақлли инсон, аммо унда ҳақиқий қалб ҳам, самимийлик ҳам йўқ. Унинг йўли — хонадаги энг кучли одамга ёқиш ва унинг топшириқларини бажариш учун унга хушомад қилиш", — деди сиёсатчи.
У Пит Хегсетни эса Трамп атрофидаги "кичик аҳмоқ безорилар"дан бири сифатида таърифлади. Эль-Сайеднинг таъкидлашича, мамлакатни энг аҳмоқ ёки энг қўрқоқ одамлардан иборат гуруҳ бошқармоқда.
Сиёсатчи ўзининг сиёсий ёндашувини ҳам тушунтириб, шундай деди:
"Мен ҳеч кимга зўравонлик қилмоқчи эмасман, аммо бошқаларга зўравонлик қиладиганларга қарши курашаман".
Унинг айтишича, куч ишлатиш ва қўрқитишга асосланган сиёсий муҳитга қарши туриш, жумладан, Демократик партия вакиллари учун ҳам муҳим.
