Муродбек Атажанов Иқтисодиёт ва молия вазирлиги ҳузуридаги бюджетдан ташқари Пенсия жамғармаси ижро этувчи директори лавозимига тайинланди. Бу ҳақда жамғарма матбуот хизмати хабар берди.
Тайинловга қадар у 2023 йил августидан буён вазирлик ҳузуридаги Ғазначилик хизмати қўмитаси раиси лавозимида ишлаб келаётганди.
2019 йил сентябридан Пенсия жамғармасининг ижро этувчи директори лавозимида Баҳром Ашрафхонов ишлаб келаётганди. У 2020 йилда лавозимидан озод этилиб, Ўзбекистоннинг Озарбайжондаги элчиси этиб тайинланганди.
Аввалроқ Макроиқтисодий ва ҳудудий тадқиқотлар институти директори лавозимида ишлаб келган Умид Обидхўжаев иқтисодиёт ва молия вазири ўринбосари этиб тайинлани ҳақида хабар берилган эди.
