21 декабрга ўтар кечаси Қозоғистоннинг Оқтўба вилоятидаги трассада ичида 50 га яқин Ўзбекистон фуқаролари бўлган автобус бузилиб қолди. Бу ҳақда “ОРДА” хабар берди.
Қайд этилишича, Самара-Чимкент йўлининг Иргиз туманидан ўтган қисмида йўловчи автобуснинг бузилиши оқибатида одамлар кучли совуқда қолиб кетган. Уларнинг 46 нафари Ўзбекистон фуқаролари, яна 6 нафари Тожикистон фуқароларидир.
Бироз муддат йўловчилар кучли совуқда қолган. Кейинчалик улар Иргиз туманидаги иссиқ бошпанага юборилган.
“Йўловчилардан ҳеч ким тиббий ёрдам сўраб мурожаат қилмаган”, дейилади Қозоғистон ФВБ хабарида.
