Сербия президенти Александр Вучичнинг таъкидлашича, у Сербияни Путин ва Трамп учрашуви учун мумкин бўлган жой сифатида таклиф қилмоқда.
Вучичнинг фикрича, Сербия " Путин ва Трамп ўртасидаги музокаралар учун ер юзидаги жуда мос бўлган жой".
Сербия Россия президенти Владимир Путин ва AҚШнинг сайланган президенти Доналд Трамп ўртасидаги музокаралар учун платформага айланишга тайёр, деди Сербия етакчиси Aлександр Вучич Pink TV телеканалига.
“Мен ҳеч қачон жаҳон ишларига аралашмаганман, лекин Сербия Россия президенти ва Aмерика президенти учрашадиган жойга айланишдан манфаатдор. Биз ҳар икки президент хавфсизлигини кафолатлашга тўлиқ тайёрмиз”, — деган Вучич.
Президентнинг сўзларига кўра, Трамп “Европада серб халқининг энг катта ишончига га” ва ўз навбатида Путин ҳам мамлакатда жуда машҳур. "Шундай экан, менимча, бу ер дунёда уларнинг урашуви учун жуда мос келади", - дея қўшимча қилган Вучич.
Малумки, 12 январ куни Трампнинг миллий хавфсизлик бўйича маслаҳатчиси Майкл Уолц Путин билан учрашувга тайёргарлик кўрилаётганини айтган эди.
Сайланган президентнинг ўзи эса бу ҳақда аввалроқ, 2 кун олдин гапирган. Уолцнинг билдиришича, бу икки етакчи "яқин кунлар ёки ҳафталарда" телефон гаплашиши мумкин. Музокаралар формати суҳбат қандай ўтишига боғлиқ бўлади, деди Уолц.
У Трамп 20 январдаги инаугурация маросимидан кейиноқ, ина Путин билан алоқа ўрнатиш мумкин, деб ҳисоблашини айтди.
Кремл АҚШ республикачиларининг сўзларини шарҳлар экан, Путиннинг хорижий етакчилар билан алоқаларга очиқлигини таъкидлашган. "Aфтидан, жаноб Трамп овал кабинетга киргани заҳоти бунга ҳаракат қила бошлайди", деган Путиннинг матбуот котиби Дмитрий Песков.
Эслатиб ўтамиз, ўтган куни Европанинг яна бир давлати - Швейцария хам ўз ҳудудида Владимир Путин ва Доналд Трамп учрашувини ташкил этишга тайёрлигини маълум қилган эди.
Абдуллоҳ Саййид
