🇺🇸 АҚШнинг 22 штати Трампнинг туғилганлик ҳуқуқи асосида фуқаролик беришни чеклаш ҳақидаги фармонига қарши судга мурожаат қилди — Reuters
Дональд Трамп президент сифатидаги ўзининг биринчи иш кунида туғилганлик ҳуқуқи асосида фуқаролик беришни чеклаш тўғрисидаги фармонни имзолади. Фармонда қайд этилишича, ушбу чеклов ота-онаси АҚШ ҳудудида ноқонуний равишда яшаётган болаларга ҳам тегишли бўлади.
22 штат бу фармон устидан судга даъво аризаси берди. Бу штатлар орасида Вашингтон, Орегон, Аризона, Иллинойс, Нью-Йорк, Калифорния, Колорадо, Коннектикут, Делавер, Гавайи, Мэн, Мериленд, Массачусетс, Мичиган, Миннесота, Невада, Нью-Жерси, Нью-Мексико, Шимолий Каролина, Род-Айленд, Вермонт ва Висконсин бор.
Даъви аризасига кўра, президент Трампнинг бу қарори АҚШ Конституциясининг 1868 йилда ратификация қилинган 14-тузатмасига зид ҳисобланади.
