Лос-Анжелесдаги округда “Хьюз” ўрмон ёнғинлари сабабли 31 мингга яқин одам мажбурий эвакуация қилиш тўғрисида билдиришнома олди. Бу ҳақда CBS News телеканали расмийларга таяниб хабар бермоқда.
“Лос-Анжелес округи шерифи Роберт Луна 31 минг нафар округ аҳолиси мажбурий эвакуация қилиниши ҳақида, яна 23 минг киши эса бунга зарурат туғилиши мумкинлиги бўйича огоҳлантирилди”, деб хабар беради телеканал.
Калифорния ўрмон хўжалиги ва ёнғиндан ҳимоя қилиш департаменти ёнғин 9,2 акрдан (37 квадрат километр) кўпроқ майдонни қамраб олганини маълум қилди.
Департамент аввалроқ Хьюз ёнғини округнинг 20 квадрат километрдан ортиқ майдонга тарқалганини маълум қилган эди.
Лос-Анжелес округида 7 январь куни бошланган ўрмон ёнғинлари штат тарихидаги энг йирик ёнғинлар саналади. Расмий маълумотларга кўра, ёнғин умумий 16 минг гектардан ортиқ майдонни қамраб олган. Камида 25 киши ҳалок бўлди. Метеорологларнинг қайд этишича, қуруқ об-ҳаво ва шамол ёнғиннинг тез тарқалишига сабаб бўлган, деб хабар беради report.az.
