АҚШ Ички ишлар вазирлиги Мексика кўрфазининг номи Америка кўрфази деб ўзгартирилгани ҳамда Шимолий Америкадаги энг баланд чўққиси – Аляскадаги Денали тоғи эндиликда Мак-Кинли тоғи деб номланишини эълон қилди.
CBS News телеканали маълумотига кўра, иккала қадам ҳам Президент Дональд Трамп ўз лавозимини эгаллаганидан кейин имзолаган фармонга мувофиқ амалга оширилган.
Вазирликнинг пресс-релизида айтилишича, номларнинг ўзгариши "мамлакатнинг Қўшма Штатлар буюк меросини асраб-авайлаш ва келажак авлодлар қаҳрамонлар мероси ва тарихий қадриятларни ҳурмат қилишини таъминлашга содиқлигини тасдиқлайди".
"Вазирлик ҳузуридаги Географик номлар кенгашига энди АҚШ Географик номлар ахборот тизими (GNIS) даги расмий федерал номенклатурани зудлик билан янгилаш топширилади, – дейилади хабарда. – "Америка кўрфази" номи федерал маълумотномаларда қўлланилсада, бошқа давлатлар бу номни тан олишлари шарт эмас".
Қайд этилишича, 2015 йилда Мак-Кинли тоғи АҚШнинг ўша пайтдаги Президенти Барак Обама томонидан Аляска туб аҳолисининг анъанавий номи бўлган Деналига ўзгартирилган. Бунгача тоғ расман 1901 йилда ўлдирилган мамлакатнинг собиқ Президенти Уильям Мак-Кинли номи билан аталган.
