Сурия президенти Аҳмад Аш-Шараъа 2025 йил 2 февраль куни Саудия Арабистонига давлат ташрифи буюрди. Бу янги президентнинг хорижга илк Саудия Арабистонига қилинган биринчи ташқари сафар бўлиб, у ерда у Саудия Арабистонининг валиаҳд шаҳзодаси Муҳаммад бин Салмон билан учрашув ўтказди.
Мазкур ташриф Суриянинг минтақавий ва халқаро мавқеини тиклаш йўлидаги муҳим қадам ҳисобланади. 2011 йилда бошланган фуқаролик урушидан кейин Сурия кўпчилик араб давлатлари томонидан изоляцияга учраган эди.
Муҳаммад бин Салмон ва Аш-Шараъа расмий учрашувда минтақавий хавфсизлик, иқтисодий хамкорлик ва инсоний ёрдам масалаларини муҳокама қилишди. Икки томон ҳам Суриядаги гуманитар инқирозни тугатиш ва барқарорликка эришиш учун ҳамкорликда ишлашнинг аҳамиятини таъкидлашди.
Бу учрашув Суриянинг араб дунёсига қайтишининг белгиси ҳисобланади. Саудия Арабистонининг расмий вакиллари бу сафарни "минтақадаги барқарорлик ва ҳамкорликни мустаҳкамлаш йўлидаги муҳим қадам" деб баҳоламоқда.
Сурия президентининг Саудия Арабистонига сафари минтақанинг сиёсий ва иқтисодий мавқесининг ўзгараётганининг ифодасидир. Бу ташриф келажакда икки давлат ўртасидаги муносабатларнинг янада ривожланишига замин бўлиши айтилмоқда.
Абдуллоҳ Саййид
