Мутахассисларнинг қайд этишича, ўтган йили “Ўзбекнефтгаз” АЖ тизимидаги барча бошқарма ва корхоналар бўйича атмосфера ҳавосига ташланадиган ташланмаларнинг экологик норматив миқдори 142,3 минг тоннага белгиланган бўлса, амалда 73,1 минг тоннага камайтирилган. Яъни белгиланган меъёрга нисбатан 69,2 минг тонна ёки 48,6 фоизга кам ташланишга эришилган.
.jpg)
Оқова сувлар ташланмаларини камайтириш бўйича ўтган йилда белгиланган экологик норматив миқдорга нисбатан 62,6 фоизга, ишлаб чиқариш жараёнида ҳосил бўлган чиқиндилар миқдори 36 фоиз кам чиқинди ҳосил бўлишига эришилган.
Дастур доирасида эскирган қозонлар ўрнини энергия тежамкор қурилмалар билан алмаштириш, ёқилғи ресурсларини тежаш мақсадида муқобил энергия манбаларидан фойдаланиш йўлга қуйилган. Бу нафақат энергия сарфи, балки умумий эмиссияларни камайтиришга ёрдам берган. Шу билан бирга янги чанг-газ тозалаш қурилмасини ишга тушириш ҳамда мавжудларини модернизация қилиш ишлари ҳам самарали олиб борилган.
.jpg)
Жамиятда Яшил макон умуммилий лойиҳасига ҳам катта эътибор қаратилиб, 2024 йилда 348,5 минг туп дарахт кўчати экилиши белгиланган бўлиб, амалда 367,0 минг туп экилган. Жамият тизимидаги корхоналарда жами 388 гектар майдонда томчилатиб суғориш тизими ўрнатилиб, 166 гектар майдонда яшил белбоғлар ташкил этилган.
Атроф-муҳитни муҳофаза қилишнинг илмий таъминотини ривожлантириш билан бирга кўкаламзорлаштириш ишларига ҳам катта эътибор қаратилиб, табиатга салбий таъсирлар сезиларли даражада камайтирилган.
