Ижтимоий тармоқларда хитойлик фуқароларнинг Тошкент шаҳар Чилонзор тумани Миллий боғда баннерлар билан тўпланиб, "митинг" қилаётганликлари ҳақида ёлғон хабарлар тарқалмоқда. Мазкур ҳолат юзасидан ИИВ ахборот хизмати муносабат билдирди.
Қайд этилишича, шу йилнинг 15 февраль куни "Huawei" компаниясининг ишчилари доимгидек шанба ва якшанба кунлари югуриш акциясини ўтказган.
Баннерларда хитой тилида "Спорт соғлиқ гарови, сиз ҳам югуриб соғлом бўлинг" деган ёзувлари мавжуд бўлган.
"Бизнинг ҳам идора ва ташкилотлар ўрнак олса арзийдиган тадбир эканлигини эътироф этамиз", дейилади ИИВ ахборот хизматининг тақдим этган ахборотида.
