АҚШ мамлакатдаги 200 дан ортиқ марказий осиёлик ва ҳиндистонлик ноқонуний мигрантларни Коста-Рикага юборади. Бу ҳақда The New York Times хабар қилди.
"Қўшма Штатлардан депортация қилинганларнинг биринчи гуруҳи 19 феврал куни мамлакатга етиб келади. Коста-Рика уларга ўз мамлакатларига етиб боришда “кўприк” вазифасини ўтайди. Ҳукумат 200 нафар ноқонуний мигрантни ўз мамлакатига қайтаришда Вашингтон билан ҳамкорлик қилишга рози бўлди", дейилади Коста-Рика президенти маъмурияти баёнотида, дейилган нашр хабарида.
Маълум қилинишича, Марказий Осиё ва Ҳиндистондан бўлган ноқонуний мигрантлар тижорат рейслари орқали Коста-Рикага олиб келинади, шундан сўнг улар Корредорес кантонидаги мигрантларга хизмат кўрсатиш марказига жойлаштирилади.
