Бугун Ўзбекистон Ташқи ишлар вазири Бахтиёр Саидов АҚШ Давлат котиби Марко Рубио билан телефон орқали суҳбатлашди. Бу ҳақда Саидов ўз Telegram-каналида ёзиб қолдирган.
Унинг маълум қилишича, суҳбат давомида икки ва кўп томонлама мавзулар муҳокама қилинган ва давлатлар ўртасидаги шерикликни кенгайтириш бўйича келишиб олинган.
Икки ва кўп томонлама алоқаларининг муҳим мавзулари муҳокама қилинган.
"Ўзбекистон Ташқи ишлар вазирлиги ва АҚШ Давлат департаменти мамлакатларимиз ўртасидаги стратегик шерикликни барча соҳаларда кенгайтириш йўлида яқин ҳамкорликни давом эттиришига келишиб олдик”, дея ёзади вазир.
Шунингдек, ҳар икки йўналишда товар айирбошлаш ҳажмини ошириш ва бошқа мавзулар суҳбатнинг асосий мавзуси бўлган.
“Ишбилармон доиралар ўртасида мустаҳкам кўприклар барпо этиш, ҳар икки йўналишда товар айирбошлаш ҳажмини ошириш, Марказий Осиё ва ундан ташқарида фаровон тараққиётни таъминлаш кун тартибимизнинг асосий қисмидан ўрин олди”, дея ёзиб қолдирган вазир.
