Хабарингиз бор, куни кеча эълон қилинган янги тартибга кўра, эндиликда йўл ҳаракати қоидаларини бузганлик учун баллар ҳисобланади. 12 балл тўплаган ҳайдовчи ҳайдовчилик гувоҳномасидан маҳрум қилинади. Айни пайтда АОКАда бўлиб ўтаётган ИИВ ЖХД ЙҲХХ раҳбарияти ва мутасадди ходимлари иштирокидаги матбуот матбуот анжуманида мазкур тартиб бўйича батафсилроқ тушунтириш берилди.
Маълум қилинишича, ҳайдовчиларга тайинланадиган 12 баллик жарима баллари фақатгина ЙПХ инспекторлари тузган баённомалар асосида шаклланади ва балларни ҳисоблаш тизими ИИВ ЖХД ЙҲХХда инсон омилисиз, автоматлаштирилган тарзда ҳисоб-китоб қилинади.
