Ўзгидромет хабарига кўра, бугун кундузи баъзи жойларда ёмғир ёғади, Тошкент, Самарқанд, Жиззах, Сирдарё вилоятларининг айрим жойларда қорга айланиши мумкин. Республика шимолида куннинг биринчи ярмида баъзи жойларда ёғингарчилик (ёмғир, қор) бўлади.Шамол 7-12 м/с тезликда эсади, баъзи жойларда 17-22 м/с гача кучаяди, Навоий, Жиззах вилоятларида айрим жойларда баъзида 25-30 м/с гача кучайиши мумкин. Ҳарорат 7-12° илиқ бўлади.
Пойтахтимизда вақти-вақти билан ёмғир ёғади, кечқурун қорга айланиши мумкин. Шамол 5-10 м/с тезликда эсади, 12-15 м/с гача кучайиши мумкин. Ҳарорат 7-9° илиқ бўлади.
Тоғли ҳудудларда баъзи жойларда ёғингарчилик (ёмғир, қор) бўлади, айрим жойларда кучли бўлади, туман тушиши мумкин. Қор кўчиши хавфи бор. Шамол 7-12 м/с тезликда эсади, баъзи жойларда 15-20 м/с гача кучаяди, айрим жойларда баъзида 22-27 м/с гача кучайиши мумкин. Ҳарорат 3° совуқ- 2° илиқ бўлади.
