"Манчестер Сити" клуби матбуот хизмати февраль ойи якунларига кўра, ойнинг энг яхши футболчиси номи учун сўровнома ўтказди.
Маълум бўлишича, номзодлар рўйхатига Абдуқодир Ҳусанов ҳам киритилган ва ўзбекистонлик ҳимоячи «Сити»даги илк ойидаёқ жамоа ҳужумчиси Эрлинг Ҳоланд ва чап қанот ҳимоячиси Йошко Гвардиол билан ой лауреати соврини учун курашди.
Овоз бериш бир ҳафта давом этди ва овоз бериш якунларига кўра, Абдуқодир Ҳусанов – «Манчестер Сити»нинг феврал ойидаги энг яхши ўйинчиси деб топилди.
Унинг сўровномада ғолиб бўлишида ўзбекистонлик мухлислар ҳам фаол бўлган.
Маълумот учун, сал аввал Ўзбекистон миллий жамоаси ҳужумчиси Элдор Шомуродов ҳам «Рома»даги 4 йиллик фаолияти давомида илк бор Рим клубининг феврал ойидаги энг яхши ўйинчиси деб топилган.
