Франциялик менатор Клод Малюр Доналд Трампни Рим императори Неронга қиёслади. Шунингдек, Илон Маскни “кетаминли масхарабоз” деб атади.
"Вашингтон Нерон саройига айланди: жаҳлдор император, итоаткор сарой аъёнлари ва давлат хизматини тозалаш учун масъул кетаминли масхарабоз билан тўлди. Овал кабинетда урушда муваффақиятсизликка учраган одам уруш қаҳрамонига ақл ўргатиб ўтирибди", деди Малюр.
Француз сиёсатчиси Клод Малюр Франция Сенатида ҳамкасбларига саккиз дақиқалик мурожаати интернетга тарқалиб кетганидан сўнг кутилмаганда бутун дунё бўйлаб миллионлаб мухлислар орттирди.
Унинг нутқида президент Доналд Трампнинг Aмерикада ҳам, чет элда ҳам демократияни йўқ қилишга қаратилган хавотирли саъй-ҳаракатларига аниқ баҳо берилган, бу борада Трампга "кетамин ёқилғиси" деб аталган Илон Маск ёрдам бераётгани қайд этилган.
"Тарихда Қўшма Штатлар президенти ҳеч қачон душманга таслим бўлмаган", деди Малюр, Трампнинг Россия президенти Владимир Путинга бўйсуниши ва Украина президенти Владимир Зеленскийни доимий равишда камситиши ҳақида гапириб. "Ҳеч ким ҳеч қачон ўз иттифоқчигсиа қарши тажовузкорни қўллаб-қувватламаган."
"Биз аввал оддий диктатор билан урушган эдик, энди эса хоин қўллаб-қувватлаётган диктаторга қарши курашамиз", деган сенатор.
Абдуллоҳ Саййид
