Ўзбекистонлик аралаш яккакураш устаси Рамазон Темиров UFC’нинг енгил вазн тоифасидаги янги рейтингида еттинчи ўриндан ўнинчи поғонага тушди. Бу ҳақда промоушеннинг янгиланган рейтингида маълум қилинди.
Рейтингда Темировнинг сўнгги жангдаги рақиби, британиялик Лонер Кавана эса олтинчи ўриндан бешинчи поғонага кўтарилди.
Жангчилар 24 октябрь куни Бирлашган Араб Амирликларининг Абу-Даби шаҳрида ўтказилган UFC 333 турнири доирасида октагонга чиққан. Мазкур тўқнашув иккинчи спортчининг техник нокаут орқали ғалабаси билан якунланган.
Ушбу мағлубият Рамазон Темиров учун UFC фаолиятидаги илк омадсизлик бўлди. Шунингдек, у профессионал ММАдаги 12 та жангдан иборат ғалабали сериясини ҳам тўхтатди.
Темиров Лонер Каванага қарши жангга қадар UFCда учта ғалабага эришган эди. У Жей Вергара, Чарльз Жонсон ва Стив Эрцегни мағлуб этган.
Эслатиб ўтамиз, аввалроқ Рамазон Темиров UFC 333 турниридаги иштироки учун 61 минг АҚШ доллари миқдорида гонорар олгани ҳақида хабар берилганди.
