Тошкентда 14 ёшли бола 9-қаватдан тушиб кетди. Бу ҳақда Бош прокуратура матбуот котиби Ҳаёт Шамсутдинов darakchi.uz'га хабар қилди.
2025 йил 15 март куни соат тахминан 15:29 лар атрофида Тошкент шаҳар Олмазор тумани “Тараққиёт” МФЙ Янги Олмазор кўчасида жойлашган “Олмазор сити” турар жой комплексидаги уйнинг тўққизинчи қаватидан 2010 йилда туғилган бола тушиб кетганлиги тўғрисида хабар келиб тушган.
Аниқланишича, шу туманда яшовчи эркак болани кўп қаватли бинонинг тўққизинчи қаватидан ерга тушиб кетганлигини кўриб, зудлик билан биринчи ёрдам кўрсатиб, ТТЁ ходимларини чақиртирган.
ТТЁ ходимлари томонида бемор ССВ РБИ ва ЭХИАМ олиб борилган. Аммо, бола вафот этган.
