Аввал хабар қилинганидек, Лондон ғарбидаги электр станциясидаги ёнғин туфайли Хитроу аэропорти ёпилди.
"Ўзбекистон ҳаво йўллари" матбуот хизмати хабарига кўра, юқоридаги вазият сабаб фақат 21 март куни Тошкент – Лондон (Хитроу) – Тошкент йўналиши бўйича ҲЙ201/202 рейслари бекор қилинишига мажбур бўлди.
Юқоридаги рейслар йўловчиларининг чипталари 23 мартдан бошлаб Тошкент – Лондон (Гатвик) – Тошкент йўналиши бўйича ҲЙ203/204 рейсларида қайта брон қилинади.
Шунингдек, йўловчилар илтимосига кўра авиачипталар учун пулни қайтариш имконияти ҳам кўзда тутилган.
