АҚШ президенти Дональд Трамп ўз бойлигини 2024 йилдаги $2,3 миллиарддан 2025 йилда $5,1 миллиардга оширишга муваффақ бўлди. Бу ҳақда Forbes журнали эълон қилган дунёнинг энг бой инсонлари бўйича 39-рейтингида хабар берилди.
Журналда ёзилишича, «миллиардерлар орасида Дональд Трампдан омадлироқ йил ўтказганлар жуда кам». Бу фақат унинг яна АҚШ президенти бўлгани учун эмас: Оқ уйга қайтишидан аввал у криптовалютага жуда фойдалик инвестиция киритган.
Forbes маълумотларига кўра, Дональд Трампнинг бойлигининг асосий қисмини кўчмас мулк ташкил этади. Шунингдек, унинг гольф-клублари, қимматбаҳо саройлари, винодельняси ва 1991 йилда ишлаб чиқарилган Boeing 757-200 учоғи (Trump Force One номи билан машҳур) бор.
Журнал рўйхатига 3 мингдан ортиқ киши киритилган, уларнинг умумий бойлиги рекорд даражадаги $16,1 трлнни ташкил этади. Forbes таъкидлашича, тарихда биринчи марта уч киши $200 миллиарддан ортиқ бойликка эга бўлди.
Абдуллоҳ Саййид
