АсосийЖиноят

Тошкентда чет эллик фуқародан 70 минг АҚШ доллар пора олган ҳокимлик ходими ушланди

Шунингдек, Сирдарё, Сурхондарё, Жиззах, Қашқадарё вилоятларида бир қатор мансабдорлар пора билан қўлга тушди.

'Тошкентда чет эллик фуқародан 70 минг АҚШ доллар пора олган ҳокимлик ходими ушланди'ning rasmi

Тошкент шаҳри ҳамда Сирдарё, Сурхондарё, Жиззах, Қашқадарё вилоятларида бир қатор мансабдорлар пора билан қўлга тушди. Бу ҳақда Давлат хавфсизлик хизмати матбуот котиби Darakchi.uz'га маълум қилди.

Тошкент шаҳар ҳокимлигининг Юридик бошқармаси юрисконсулти чет эл фуқаросига тегишли бўлган кўчмас мулк давлат эҳтиёжлари учун бузилганлиги сабабли, компенсация сифатида суд қарори билан давлат томонидан ажратилиши белгилаб қўйилган 8,8 млрд. сўмни тезлаштириб олиб бериш эвазига, ўзининг 1979 й.т. таниши орқали мазкур пул маблағининг 10 фоизини, яъни 70 минг АҚШ доллари талаб қилган. 

Акс ҳолда, суд қарори юзасидан Тошкент шаҳар ҳокимлиги номидан кассация шикояти бериб, кўчмас мулкни қайта баҳолаш йўли билан, белгиланган компенсация миқдорини камайтириши мумкинлигини айтган.

ДХХ ҳамда ИЖҚКД ходимлари ҳамкорлигида ўтказилган тезкор тадбирда, воситачи хорижий фуқародан 70 минг АҚШ долларини олган вақтида ашёвий далиллар билан ушланган.

Сўров суҳбати давомида, у бир муддат аввал юрисконсултга ўз ҳисобидан 50 минг АҚШ доллари бериб қўйганлигини айтиб, яна 15 минг АҚШ долларини юрисконсултга олиб бориб беришини, қолган 5 минг АҚШ долларини эса ўзининг воситачилик хизмати учун олиб қолишни режалаштирганлигини маълум қилган.

Сўнгра тезкор тадбир давом эттирилиб, юрисконсулт 15 минг АҚШ долларини олган вақтида ушланган.

Шунингдек, юрисконсулт муқаддам ўзининг воситачисидан олган 50 минг АҚШ долларидан 10 минг АҚШ долларини компенсация маблағининг ўтказилиш жараёнини тезлаштириб бериши учун Тошкент шаҳар Иқтисодиёт ва молия бош бошқармасининг бош мутахассисига берганлиги маълум бўлган.

Юрисконсулт кўрсатмаси асосида бош мутахассис процессуал тартибда ушланди ҳамда юрисконсулт 40 минг АҚШ долларини, бош мутахассис эса 10 минг АҚШ долларини ихтиёрий равишда тақдим қилган.

“Ҳудудгаз Сурхондарё” газ таъминоти филиалининг Термиз шаҳар бўлими Газ таъминоти обектларини техник тиклаш ва ишлатиш хизмати бошлиғи Косон туманида яшовчи фуқаро юк автомашинасини бошқариб кетаётиб, автотранспорт воситасининг том қисми билан табиий газ қувурига шикаст етказгани ҳолати юзасидан тузилган далолатномани йўқ қилиш ҳамда 11 млн. сўм миқдорида жаримага тортмаслик эвазига, ундан 400 АҚШ доллари ва 500 минг сўм талаб қилиб, 3 млн. 900 минг сўм ва 100 АҚШ доллари олган вақтида ашёвий далиллар билан ушланган. Терговга қадар текширув давомида, у аввалроқ 500 минг сўм олганлиги ҳам маълум бўлган.

Кадастр агентлигининг Жиззах вилояти Зомин тумани бўлими етакчи инспектори 1997 й.т. фуқаро ўзбошимчалик билан эгаллаб олган ер участкасида қурилиш ишларини амалга оширганлиги ҳолати юзасидан қўлланилган 75 млн. сўм миқдоридаги жаримани танишлари орқали камайтириб, ноқонуний қурилган турар-жой биносининг ҳужжатларини расмийлаштириб бериш эвазига 400 АҚШ доллари олган вақтида ушланган.

Давлат кадастрлар палатасининг  Қашқадарё вилояти Косон тумани бўлими кадастр муҳандиси ўз хизмат мавқеидан фойдаланган ҳолда маҳаллий фермер хўжалик раҳбари билан тил бириктириб, мансабдор танишлари орқали мазкур фермер хўжаликнинг 2 гектар сувли ер майдонини 60 млн. сўмга ҳамда тегишли ҳужжатлари бўлмаган 35 сотих ер майдонини турар-жой тоифасига ўзгартириб, кейинчалик эгалик ҳуқуқини берувчи ҳужжатни расмийлаштириб бериш эвазига 525 млн. сўм, жами харидордан 585 млн. сўм талаб қилиб, олдиндан 17 минг АҚШ доллари олган вақтларида ушланган. 

Мажбурий ижро бюросининг Қарши шаҳар бўлими давлат ижрочиси жиноят оқибатида етказилган зарарни ундириш тўғрисидаги ижро иши юзасидан жабрланувчи фуқарога қайтарилиши лозим бўлган 554 млн. сўмни унинг пластик картасига ўтказиб бериш эвазига муқаддам 2 млн. сўм ва 100 АҚШ доллари олиб, қўшимча 2 млн. сўм олган вақтида ушланган.

“Ҳудудий электр тармоқлари” АЖга қарашли “Энергосавдо” корхонасининг Сирдарё вилояти Ховос тумани бўлинмаси инспектори маҳаллий фермер хўжалик томонидан электр энергиясига ноқонуний уланиш натижасида давлат манфаатларига 14 млн. сўм миқдорида етказилган зарарни йўқ қилиб, хўжаликни тармоққа қайта улаб бериш эвазига 7 млн. сўм олган вақтида ашёвий далиллар билан ушланган.

Ҳозирда барча ҳолатлар юзасидан жиноят ишлари қўзғатилиб, тергов ҳаракатлари олиб борилмоқда.

    Бизни ижтимоий тармоқларда кузатиб боринг

    Бошқа янгиликлар

    'Нукусда 1,8 млрд сўмлик табиий газни ўмарган МЧЖ масъуллари ушланди'ning rasmi

    Жиноят 02.04.2025 09:37

    Нукусда 1,8 млрд сўмлик табиий газни ўмарган МЧЖ масъуллари ушланди

    Мазкур ҳолат юзасидан Жиноят кодексининг 169-моддаси (ўғрилик) билан жиноят иши қўзғатилган.

    'Суд раиси тадбиркорни ўз автомашинасини сотиб олишга мажбур қилгани айтилмоқда'ning rasmi

    Жиноят 01.04.2025 18:30

    Суд раиси тадбиркорни ўз автомашинасини сотиб олишга мажбур қилгани айтилмоқда

    Судьялар олий кенгаши унга нисбатан хизмат текшируви бошлади

    'Жиноят содир этиб қочиб юрган ўзбекистонлик Россияда қўлга олинди'ning rasmi

    Жиноят 31.03.2025 16:20

    Жиноят содир этиб қочиб юрган ўзбекистонлик Россияда қўлга олинди

    У Ўзбекистонга экстрадиция қилиниб, тергов ҳибсхонасига жойлаштирилган.

    'Бўстонлиқда 72 сотих ерни 1 млн долларга сотмоқчи бўлган шахс ушланди'ning rasmi

    Жиноят 28.03.2025 14:11

    Бўстонлиқда 72 сотих ерни 1 млн долларга сотмоқчи бўлган шахс ушланди

    ДХХ томонидан Бўстонлиқ туманида ер майдонларини ноқонуний сотиш ҳолатлари аниқланди.

    'Тошкентда боғча мудираси 8500 АҚШ доллари билан ушланди'ning rasmi

    Жиноят 27.03.2025 20:01

    Тошкентда боғча мудираси 8500 АҚШ доллари билан ушланди

    Мактабгача ва мактаб таълими вакилларининг ноқонуний ҳаракатлари фош этилди.

    'Тошкентда боғча мудираси фирибгарлик қилмоқчи бўлди'ning rasmi

    Жиноят 27.03.2025 14:17

    Тошкентда боғча мудираси фирибгарлик қилмоқчи бўлди

    У пора олаётган вақтда қўлга олинган.