АҚШ президентининг айтишича, Қўшма Штатларга ҳар қандай турдаги маҳсулот етказиб бериш учун базавий тариф 10 фоизни ташкил қилади, лекин кўплаб давлатлар учун у янада юқори.
Шунингдек Трамп икки устундан иборат жадвални тақдим этди: устунлардан бирида турли мамлакатларда Америка маҳсулотларига ҳозирда қандай божлар қўлланилаётгани, иккинчисида Вашингтон бунга жавобан қандай йиғимларни жорий қилаётгани ёзилган.
АҚШ етакчиси буни “бутун дунё бўйлаб мамлакатлар учун ўзаро божларни белгиловчи тарихий фармон” деб атади.
"Ўзаро дегани – улар бизга нима қилсалар, биз ҳам уларга шундай қиламиз дегани. Менимча, бу Америка тарихидаги энг муҳим кунлардан биридир", – дейди Трамп
Бундан ташқари, у Қўшма Штатларга импорт қилинадиган ҳар қандай автомобиллар учун 25 фоизлик бож жорий қилишини тасдиқлаган.
