Хоразм вилоятида сохта трейдер қўлга олинди. Бу ҳақда “Hudud” дастурида маълум қилинди.
Билдирилишича, қўлга олинган шахс пулини қисқа фурсатда кўпайтириб беришини айтган ҳолда ижтимоий тармоқлар орқали мингдан ортиқ одамни чув туширган.
“Бундан бир неча кун олдин битта Телеграм-каналга аъзо қилиб қўйишди. Трейдинг орқали пулни бир бараварга кўпайтириб бериш ҳақида маълумотлар бор эди. Кўпайтириб олиш мақсадида 20 млн сўм пулимни ташлаб бердим. Орадан 1 соат ўтгач блоклаб қўйишди”, деган жабрланувчилардан бири.
Трейдернинг яшаш манзили кўздан кечирилганида хонадондан сохта трейдернинг яшаш манзилидан ўндан ортиқ планшет, 96 та уяли телефон, 1171 дона банк картаси ҳамда 343 та СИМ-карта топилган.
“Ҳозирда ҳолат бўйича суриштирув ишлари олиб борилмоқда”, дейилади хабарда.
