Туркий халқлар маданияти ва мероси жамғармаси президенти Актоти Раймкулова Қўшилмаслик ҳаракати парламент тармоғининг Тошкентда бўлиб ўтган IV конференциясида иштирок этди.
“Бандунг Руҳининг 70 йиллиги нишонланиши: Бандунг тамойилларини қўллаб-қувватлашда парламентларнинг роли” мавзусига бағишланган конференция доирасида сўзга чиққан Актоти Райимкулова Жамғарманинг маданий хилма-хиллик ва тинчлик қадриятларини тарғиб қилишга қаратилган фаолияти ҳақида конференция иштирокчиларига маълумот берди.
Актоти Райимкулова ушбу йўналишда UNESCO, ICESCO, Туркий давлатлар ташкилоти, TÜRKSOY, TÜRKPA ва бошқа халқаро ҳамкорлар билан амалга оширилаётган лойиҳаларга эътибор қаратди. Шунингдек, у жамғарманинг Қўшилмаслик ҳаракати парламент тармоғи билан ҳамкорликка алоҳида аҳамият қаратаётганини ва бу йўналишда, томонлар ўртасида англашув Меморандуми имзоланганини ҳамда бу ҳужжат ҳамкорликнинг янги босқичга ўтишига далолат қилишини таъкидлади.
У Ўзбекистонда маданий меросни ўрганиш ва тарғиб этишга катта эътибор қаратилаётганини таъкидлаб, тадбирга мезбонлик қилган Ўзбекистон ҳукуматига алоҳида миннатдорлик билдирди.
